Годишен извештај за работата на училиштето

Годишен извештај за работа на училиштето ,,Коста Рацин,, -Брвеница  за  учебната       2017/18 година                                                                                                                                                                                                                                                                                  

Годишниот извештај е изработен врз основа  на седумте клучни подрачја кои се однесуваат  на главните аспекти на работата на училиштето, базирани  на  присуство на индикаторите за квалитет кои пак се однесуваат на определени активности кои се следеа во училиштето во текот на учебна та 2017/18година.

Клучни подрачја

1.       Наставни програми

1.1   Реализација на наставните програми

Наставните програми на наставниците се изработени според наставните планови за поедини предмети дадени од Бирото за развој на образованието  за учебната 2017/18година.

Саем на книгата 2018

ВКЛУЧЕНОСТ НА РОДИТЕЛИ ВО УЧИЛИШТЕТ0

Во процесот на учење секој одделлнски раководител ги планира родителските средби и ја планира вклученоста на родителите преку давање мислења и сугестии за дополнителни измени на секаков вид планирања. Родителот Владимир Новески и Владимир Петроски , претседател на пчеларското здружение „Полошки мед“, на покана од одделенските раководители, Гоце Евгениевски и Југослав Срезоски, изврши едукативно предавање на тема: „ Пчеларство“.

Учениците од 9-1 и 9-2 одд. имаа можност да се запознаат со начинот на одгледување на пчели. Човекот преку изучувањето на билогијата на пчелите и нивното одгледување, ја увидел можноста за производство и искористување на други производи од медоносните пчели. Покрај веќе познатите мед и восок се поинтензивно почнало да се произведуваат и користат и поленот, прополисот, матичнната млеч и на крај и пчелниот отров. Покрај директната корист, најголемото значење што овој инсект го има за природата е способноста за опрашување на растенија, пред се овошните култури.

Гостите практично презентираа дел од опремата која му е потребна на пчеларот, а исто така учениците имаа можност да видат и пчелно семејство.

Работни активности

Априлијада и Велигденски базар во П.У с.Д.Седларце

Априлијада и Велигденски базар во нашето училиште!

Учество на традиционалниот маскенбал „Економско под маски“

Учениците од деветто одделение на покана од СЕОУ „Гостивар“ – Гостивар учествуваа на традиционалниот маскенбал „Економско под маски“. Овој маскенбал се одржува по повод денот на шегата и поттикнување на младината на креативност во изложување на првоаприлски маски. Забавата се одржа во ноќниот клуб Хард Рок во придружба на DJ Крис. Забавата изобилуваше со кретивни маски осмислени од страна на средношколците и учениците од основните училишта.

Работилница „Здрава храна за детство без мана“

На 16.03 во нашето училиште се одржа работилница со учениците од IV2  одделение на тема „Здрава храна за детство без мана“. Истата беше реализирана во соработка со родители кои преку разговор со учениците ги запознаа со влијанието на здравата храна врз нашето здравје. При тоа беа подготвени зеленчукови и овошни салати, житарици со обезмастено млеко и сок без шеќер. Истите можеа да се вкусат од страна на децата, а тие пак полни со витамини и насмевки плус, среќни го завршија одржаниот час. Благодарност до сите родители за реализацијата на оваа работилница.

Посета на зелен пазар

Учењето и стекнувањето знаење може да биде интересно и многу забавно. Денешната посета беше токму тоа, улогата на зелениот пазар во местото на живеење по предметот Општество во корелација со Математика- мерење во килограми, со учениците од II-1 и II-2 одделение, со одделенските наставнички Снежана Анѓелкоска и Наташа Ѓорѓеска.

Завршна сметка 2017 година

Работилница: „Од млеко до млечни производи“

Во соработка со родителите и одделенскиот наставник Силвана Гиноска, успешно беше реализирана работилница „Од млеко до млечни производи“.

Родителот Бобан Стојоски ја прифати поканата за учество во реализацијата на работилницата и учениците од IV одделение ги запозна со млекото како природен извор на витамини и минерали кои се потребни за одржување на добрата здравствена состојба, како и со производите кои се добиваат од млекото.

Родителот на практичен начин им презентираше како се прави сирење, учениците внимателно слушаа и набљудуваа, а на крајот ги вкусија готовите млечни производи.

Работилница „Вакцината- заштита на нашето здравје!“

На ден 27.02.2018 година, учениците од V1 и V2 одделение, одржаа работилница во соработка со родител на тема „Вакцината- заштита на нашето здравје!“. Во соработка со одделенските раководители Христина Јованоска и Јасмина Маркоска, родителот им демонстрираше вакцинација (постапка и начин на вакцинирање)  по претходно предавање за значењето и важноста на вакцината и вакцинирањето. Учениците активно учествуваа во работилницата со прашања што ги интересираа.

На 01.03.2018 година, одржана е работилница, во соработка со родителите, со наставна единица: „Добредојде Март“, на која учениците заедно со родителите изработуваа украсни алки и ликовни творби со разновиден материјали. Оваа работилница ја изведуваа учениците од 1-1 одделение со одделенскиот наставник, Татјана Ѓорѓевска во соработка со родители.

Работилница: „Правењето тесто е интересно!“ (Соработка со родители)

На 23.02.2018 година, учениците од VII-1 и VII-2 одделение, одржаа работилница во соработка со родител на тема „Правењето тесто е интересно“. Во соработка со двете одделенски раководители Цветанка Илиевска и Христина Радониќ родителот им ја покажуваше на ученциите постапката за правење на тесто за кифли, перечиња, пица и слично.

Учениците активно учествуваа во работилницата правејќи форми од тесто. Истовремено на учениците им се објаснуваше за хранливата вредност на некои од состојките, како и кои состојки да ги одбегнуваат. На крајот на часот, секој ученик си доби кифла.

Училишен весник

Содржината на училишниот весник може да ја погледнете тука!

Работилница: „Здрава храна. за детство без мана!“

Денес во нашето училиште, одделенскиот раководител Весна Видачек со своите ученици, во соработка со родителите успешно реализираше работилница на тема „Здрава храна, за детство без мана“. На учениците им беа посочени здравите намирници кои секојдневно треба да бидат дел од нивната исхрана, колку се тие важни за нивниот правилен раст и развој и во какви комбинации можат да си ги конзумираат секојдневно. 

Одбележување на светскиот ден за побезбеден Интернет

        По повод светскиот ден за побезбеден Интернет, кој годинава се одбележуваше на 06 Февруари, во нашето училиште беа реализирани повеќе работилници со учениците од осмо и деветто одделение. Целта на овие работилници беше да се поттикнат учениците на позитивна промена на Интернет. Уште од најмлада возраст да превземат контрола врз својата дигитална благосостојба и да ги истражат начините т.е можностите кои Интернетот им ги нуди на позитивен начин. Преку овие работилници учениците исто така се информираа како социјалните мрежи и целата онлајн заедница влијае врз нив, како да се справат со различни притисоци онлајн, да креираат позитивни пораки и споделуваат почит додека се на Интернет.

За таа цел учениците следеа презентација со содржини кои ги поттикнаа на дискусии за темата. 

        Потоа, учениците добија задача за размислување за конкретни ситуации од нивното секојдневие на социјалните мрежи, кои требаше...

Посета на производствена фирма

Како дел од наставната програма по предметот Иновации, учениците од 9-то одделение реализираа посета на производствена фирма за мебел „Мебел Дизајн“ која се наоѓа во непосредна близина на нашето училиште. Таму на учениците им беше презентиран целиот производствен процес почнувајќи од компјутерско дизајнирање на мебелот, па изработка по фази низ различни машини и операции и на крајот изложување на истиот во изложбен салон. 

Учениците можеа практично да видат како изгледа едно претпријатие, негова структура, производствен процес (влез на суровини, обработка и излез на готов производ). Преку разговор со одговорните лица открија какви иновативни потфати превзема претпријатието за да постигне поголем профит, дали е дел од процесот на глобализација, кои се причините да истото биде поуспешно од својата конкуренција. Информациите кои ги добивме, учениците ги поврзуваа со знаењата што ги стекнаа за време на предавањата на училиште. Како задача, остана да изработат извештај за реализираната посета.

Учествуваме, одбележуваме, се забавуваме!

Дел од учениците од нашето училиште оваа учебна година беа дел во глобалниот настан т.н Дабар 2018. Дабар е интернационален предизвик (еден вид натпревар), наменет за ученици од основните и средните училишта (почнувајќи со 1во одделение), кој има за цел да ја промовира информатиката и сродните науки. Прашањата беа вистински предизвик за учениците кои беа наградени со уверенија за учество и покажани добри резултати.