ООУ "Коста Рацин"- Брвеница

Wednesday, December 25, 2019

Промоција на монографија посветена на ООУ „Коста Рацин“- Брвеница

По повод 100 годишнината од основањето на нашето училиште ООУ „Коста Рацин“ - Брвеница, се одржа промоција на монографија од нашиот почитуван колега Професор Бошко Богоевски како автор.

Месечен планер за реализација на Дополнителна и Додатна настава

Декември 2019 година

Tuesday, October 15, 2019

Одбележување на „Детска недела“!

Во рамките на „Детската недела“ и оваа учебна година беа реализирани низа активности од страна на првачињата и нивните одделенски раководители. Преку различни игровни активности, спортски натпревари, презентации, приказни, цртање и песна првачињата беа запознати со нивните права и одговорности. Учениците уживаа во сите активности, се покажаа како многу вредни и успешни во зададените задачи.

ЛИКОВЕН И ЛИТЕРАТУРЕН КОНКУРС ПО ПОВОД ЕВРОПСКА НЕДЕЛА НА МОБИЛНОСТ

Во рамки на Европската недела на мобилност, на 16.09.2019 година, Здружението на граѓани Еко Логик, распиша ликовен и литературен конкурс на следните теми:
- Велосипедот од моите соништа
- Безбедност во сообраќајот во мојата околина
- Здрава животна средина е задача на сите. Како да ја зачуваме?

На овој конкурс со задоволство се приклучија учениците од нашето училиште, под менторство на наставничката Лина Тренковска. Помеѓу најдобрите се најдоа нашите ученици Деспина Алексоска, IX одд.-наградена со второ место и Мелани Пишовска, VII одд.- наградена со пофалница.

Thursday, May 16, 2019

Работилница на тема "Сообраќај" во соработка со сообраќајната полиција!

Ликовна изложба на тема "Народната култура како трајна инспирација во моето творештво"- Битола

На 44та државна изложба на детски ликовни творби на тема "Народната култура како трајна инспирација во моето творештво" во Битола, учениците од ООУ "Коста Рацин" - Брвеница, се избрани за НАЈДОБРА ЛИКОВНА КОЛЕКЦИЈА ,и две поеднинечни награди за најуспешни ликовни творби,од учениците Петар Новески и Ивица Пероски.

Од останатите ученици беа изложени цртежите.

https://mia.mk/…/vo-bitola-otvorena-izlozhba-na-detski-lik…/

Саем на книга- 2019 година

Ликовна изложба- дел од проектот „Холокаустот низ призмата на детските очи“

Oтварање на изложба по повод Јом Ашоа, во Меморијалниот центар на холокаустот во Скопје.
Изложбата е дел од проектот „Холокаустот низ призмата на детските очи“.

Изложени се делата на ученикот Герардо Сиљаноски од ООУ " Коста Рацин" - Брвеница.

Велигденски базар

Традицијата на одржување базар, во пресрет на големиот празник Велигден, продолжи и годинава. Учениците во соработка со наставниците, но и со родителите, и денес ја покажаа својата креативност и активно учествуваа во подготовките и во реализацијата на овој настан.

1 Април- Денот на шегата во нашето училиште

Завршна сметка

Работилница- Нашиот крај има минато и традиција

Работилниците се еден голем поттик во воспитно-образовниот процес, придонесуваат за развој на воспитниот триаголник наставник-ученик-родител и обезбедуваат трајни и применливи знаења за учениците. Една таква работилница денес реализираа одделенските наставници Наташа Ристоска и Снежана Анѓелкоска.

Учество на меѓународна изложба Мини - арт во Велика Плана во Србија

Ученици од нашето училиште по претходно распишан конкурс на слободна тема се избрани да се претстават со свои цртежи на меѓународната изложба Мини- арт во Велика Плана во Србија.

Friday, December 21, 2018

Републичка детска изложба "Творење и креирање на дела од отпад".

Меѓу најдобрите изработени дела се делата од учениците од ОУ "Коста Рацин "- Брвеница и ООУ "Братство Миѓени "- Тетово, под менторство на одговорниот предметен наставник Лина Тренкоска. Секоја чест!

Одбележување на Патрониот празник на нашето училиште

Патрониот празник на нашето училиште, 22 Декември, денот на раѓањето на Коста Рацин, еден од основоположниците на современата македонска литература, беше одбележан со низа активности преку кои ученците под менторство на своите наставници подготвија пригодна програма во која подеднакво уживаа сите присутни. Пред почетокот на приредбата, се одржа Новогодишен базар, на кој учениците ги продаваа своите рачни изработки по симболични цени. Програмата започна со исполнување на химната од страна на учениците како топло добредојде на сите ценети гости, Директорката на училиштето, стручната служба, претставници на Општина Брвеница, претставници на училиштата од околината со кои реализираме долгогодишна успешна соработка, наставници, ученици, родители и сите присутни. Потоа следеа рецитали, драмски и музички точки, настап на играорната група на КУД од Брвеница. На крајот беа доделени благодарници на присутните гости. Како дел од активностите беше реализирана и ликовна работилница, во која учество зедоа ученици од нашето училиште, ученици од ООУ „Св.Климент Охридски“- М.Брод, ООУ „Братсво Миѓени“- Тетово и О.У „Абдил Фрашери“- Боговиње.

Литературно читање- Активности за одбележување на патрониот празник

Во рамките на одбележувањето на патрониот празник, ОУ Коста Рацин организираше Литературно читање на тема "Животот и делото на Рацин" на кое со лични поетски творби се претставија нашите ученици и учениците од ОУ Братство Миѓени од Тетово. Првото и третото место ги освоија учениците од нашето училиште, петтоодделенците Никола Тодороски (прво) и Дамјан Ѓудиќ (трето), а второто место го освои ученичката Сања Денкоска од ОУ Братство Миѓени. Сите учесници добија пофалници за учество.

Гостување во училиштето "Св.Климент Охридски" од Македонски Брод

По повод патрониот празник на училиштето "Св.Климент Охридски" од Македонски Брод покрај многуте активности, се одржа и ликовна работилница (сликање врз вода) и поетско читање во кои учество зедоа ученици од ОУ "Коста Рацин " - Брвеница, со менторите Гоце Евгениевски,Лина Тренкоска и директорката Ружа Веселиноска

Детска ликовна изложба "Флора и фауна - извор на убавината и животот "

На меѓународната детска ликовна изложба "Флора и фауна - извор на убавината и животот ", први награди добија ученичките Сара Спасеноска и Марија Стојановска од ООУ "Коста Рацин" - Брвеница. Изложбата ја отвори заменикот министер за животна средина и просторно планирање Јани Макрадули. Честитки за наградените ученици и уште многу успеси.