Св. Кирил и Св. Методиј Солунски биле родени браќа од Солун,од угледно и богато византиско семејство, татко Лав и мајка Марија.Како високо образовени и талентирани личности на Кирил и Методиј ќе им бидат доделувани многу тешки и одговорни задачи од страна на византискиот двор. Најпрво биле испратени во мисија кај Сарацените (Арапите) во Багдад, која како и Хазарската и Моравската мисија претставувале дел од политичката програма на Византија, чија основна цел е да ги христијанизираат Сарацените, Хазарите, Моравските Словени, Бугарите, Русите и другите народи на исток и север од Византија и да им ја наметнат византиската црковна власт. Кога хазарскиот цар Каган побарал од царот Михаил проповедници на верата во Исус Христос, тогаш на заповед на царот биле пронајдени браќата и биле испратени меѓу Хазарите. По извесно време се вратиле во Цариград, каде што ја составиле словенската азбука од триесет и осум букви и почнале да ги преведуваат црковните книги од грчки на словенски.На повик од царот Ростислав заминале во Моравија и таму ја распространиле и ја утврдиле православната вера, па ги умножиле книгите и им ги дале на свештениците за да ја подучуваат младината. А подоцна на повик од папата заминалем за Рим, каде што Кирил се разболел и умрел, на 14 февруари 869 година. Методиј се вратил во Моравија и до смртта Христовата вера меѓу Словените. По неговата смрт - 6 април 885 година - нивните ученици на чело со Свети Климент Охридски како епископ, и Свети Наум Охридски, продожуваат со својот мисионерски пат.
No comments:
Post a Comment